مساجلة أدبية من جديد الأسبوع ( أدب)

الشيخ عبدالله:
فِي النٌَسيمْ أَغناك اوعفاك @ نازِلِّي وغْنَ نازلِّي
بَادلٌِي ، سَمّعنِي لِغناك @ لِيلْ النسِيمْ اوبَادِلِّي ! (النسيم اوبادلِّي أحياء من مدينة الاگْ)
سيدي محمد:
هاذولوكارأولامجحود@عنّك شِ فِلعزّة بَلِّي
ألاهُ فالك يالشَّيخْ اِتعود@فگطاعك بيهم داحلِّي
الشيخ عبدالله:
أبلد لعادو ذُو لوكار @عَندَّك من لخبار أحْجلِّي
عنهم گاع ابلدْ مِن لخبار @ عندِّي طُولْ اِلدَّهْرْ إمَلٌِي
سيدي محمد:
امنين العت الهيه اتهيم@بدّلِّي،وكتن تحجلِّي
عزت بادلِّي بالنسيم@فاصل فِصدِيگْ ايبدَلِّي
الشيخ عبدالله:
من عزت بادلِّي مجنون.....والنسيم اوذا بيلِّي
ماعدَّلِّي بادلِّي كون..........شِي في النَّسيمْ أوعدلِّي
سيدي محمد:
سولًي لاجيت الفرگان@بادللي عن حد احجلِّي
واعرفلي كان الصِّرعْ الكانْ@إمدلًي مزالْ اِمدَلًي
الشيخ عبدالله:
ذَانَ گايِمْلِي عِطب امتين.........منذو لحوال إلواحلِّي
فيهم، فِيّ زمني بين.....أوكاري نمشي ونولِّي
سيدي محمد:
مَحدِنَّك بِيَّ تِكردْ@ذالخَطْ الشَّرگي والتَّلًي
أمَّالك مابيَّ.واتگد@اتسوحل،بوي سوحلًي
الشيخ عبدالله:
في السَّاحل ياسر مانِحصيهْ............يسيدي وِبَان إمْغلِّي
خلقو وملِّي فِيهْ، أوفِيهْ..........ذَلِّي للسَّاحل مُوخَلِّي
سيدي محمد:
إذْليلْ اِمن اگبيظ اومن رد@لَخبارْ،اِمنِلًي حَاجلًي
يغير اخبارالسَّاحل بعد@قَطعامالاَحگه ذَلِّي.
الشيخ عبدالله:
الساحل فيه اِلغَرَابَ.......... وِبْيَمُّو يِشْبِهْ كِيفِلِّي
گِبْلَة يمْ أَمْحمَّدْ بَابَ......... ذَا الگَالْ اِفْ طَلْعِتْ آمِلٌِي.
سيدي محمد:
گطْ اِنصَلًي مِنْ دَهرْ اَبعيدْ@وِجدْ،أُوغَالبنِ يَحجَلِّي
في السَّاحل،مِنْ سَآآآاحل لِغْريدْ@إلًي گِبلتْ شَرْگْ( إِجْمَلِّي)......موضع
تنويه:
للتوضيح طلعت محمد باب المشيور أعليها في الگْاف الْ قبل الأخير هاهي:
آملِّي نبغِيه أبدِيه..........وِالگَلبْ اِلِّي تَلٌُو نِبغيه
اويم الگَبْله مَانِي نَاسيه..........بَاش إبطَيت إبَّاشْ أحْجلِّي
وآملي ما نساني فيه........... الگَلبْ الي تل آملِّي 
ومن إلِّي يتمونك في الگَلبْ....أملِّي لعت إموَلِّي
شوفان الِّي تلِّي والگَلبْ..........الِّي تلْ آملِّي تَلِّي
محمد باب ول امحمد ول محمد يوره